पुण्यातील वैष्णवी शशांक हगवणे हुंडाबळी प्रकरणात धक्कादायक माहिती समोर आली आहे. वैष्णवी हगवणेचा पोस्टमार्टेम रिपोर्ट आता समोर आला असून यामध्ये अनेक धक्कादायक खुलासे करण्यात आले आहे. वैष्णवीने आत्महत्या केली त्या दिवशी देखील तिचा शारीरिक छळ झाला असल्या
सासरच्या मंडळींकडून होणाऱ्या शारीरिक आणि मानसिक त्रासला कंटाळून वैष्णवी हगवणे हीने राहत्या घरात गळफास घेऊन आत्महत्या केली होती. याप्रकरणी वैष्णवीचा पती शशांक हगवणे, सासू लता हगवणे, नणंद करिष्मा हगवणे दोषी आहेत. तसेच दीर आणि सासर्‍याला देखील अटक करण्यात आली आहे. या सर्वांना पोलिस कोठडी सुनावण्यात आली असून अधिक तपास पोलिसांकडून करण्यात येत आहे.
या प्रकरणी तिचा पती, सासू आणि नणंद यांना पोलिसांनी सुरुवातीलाच अटक केली होती. तर सासरा राजेंद्र हगवणे व दीर सुशील हगवणे हे दोघेही 17 मेपासून फरार होते. 22 मे रोजी पहाटे पोलिसांनी त्यांना अटक केली. सर्व आरोपी सध्या पोलिस कोठडीत आहेत.
आरोपींना मदत करणाऱ्या पाच जणांना अटक
आरोपी राजेंद्र आणि सुशील हगवणे हे अटक टाळण्यासाठी 17 मे ते 22 मे या पाच दिवसांत वेगवेगळ्या ठिकाणी लपून राहत होते. या काळात त्यांना आश्रय व मदत करणाऱ्या पाच जणांविरोधात पोलिसांनी कारवाई करत त्यांना अटक केली आहे. गुन्हा दाखल झाल्यानंतर पुण्यातून पलायन केलेल्या या दोघांना सुरक्षित ठिकाणी ठेवण्यास या आरोपींनी मदत केली होती.
आरोपींमध्ये माजी मंत्र्याच्या मुलाचाही समावेश
मोहन उर्फ बंदू उत्तम भेगडे (वय 60, रा. वडगाव मावळ), बंदू लक्ष्मण फाटक (वय 55, रा. लोणावळा), अमोल विजय जाधव (वय 35, रा. पुसगाव, ता. खटाव, जि. सातारा), राहुल दशरथ जाधव (वय 45, रा. पुसगाव, ता. खटाव, जि. सातारा), प्रितम वीरकुमार पाटील (वय 47, रा. कोगनोळी, ता. चिकोडी, जि. बेळगाव, कर्नाटक) अशी आरोपींची नावे आहेत. प्रितम पाटील हे कर्नाटकातील काँग्रेसचे ज्येष्ठ नेते व माजी मंत्री वीरकुमार पाटील यांचे सुपुत्र आहेत. वीरकुमार पाटील यांनी सलग 28 वर्षे आमदार राहिले असून, आपल्या कार्यकाळात ते ऊर्जा मंत्री देखील होते.
मोहन भेगडे हा हगवणेंचा मित्र आहे. मोहन बंडू फाटक हा पवना डॅम जवळील फार्म हाऊसचा मालक आहे. अमोल जाधव आणि राहुल जाधव यांनी सातारा जिल्ह्यातील पुसेगावमध्ये हगवणे पिता पुत्रांना फार्म हाऊसवर आसरा दिला होता. तर प्रितम वीरकुमार पाटील याने कर्नाटकातील कोगनोळी या ठिकाणी हगवणे पिता पुत्रांना आसरा दिला होता.
.
