कसं असेल तापमान?

मुंबई शहर आणि उपनगरामध्ये निरभ्र आकाश राहील. कमाल तापमान 35 अंश सेल्सिअस तर किमान तापमान 22 अंश सेल्सिअस एवढे राहण्याची शक्यता आहे. तर पुणे शहरामध्ये कमाल तापमान 38 अंश सेल्सिअस तर किमान तापमान 19 अंश सेल्सिअस एवढे असेल. तर कोल्हापूरमध्ये कमाल तापमान 37 अंश सेल्सिअस तर किमान तापमान 21 अंश सेल्सिअस राहण्याची शक्यता भारतीय हवामानशास्त्र विभागाने वर्तवली आहे.

भारतीय हवामान विभागाने (IMD) मुंबईसह महाराष्ट्रातील काही शहरांसाठी उष्णतेच्या लाटेचा इशारा दिल्यानंतर एका दिवसानंतर, IMD ने उष्णतेच्या लाटेसारखी परिस्थिती हळूहळू कमी होऊन तापमान हळूहळू कमी होण्याचा अंदाज वर्तवला.

15 मार्च रोजी मुंबई शहराचे पहिले 40 अंश तापमान नोंदवले गेले. हवामान विभागाने ठाणे, पालघर, रायगड (नवी मुंबई) आणि रत्नागिरीला इशारा जारी केला. “गेल्या दोन दिवसांपासून राज्याच्या काही भागात तापमानात मोठी वाढ झाली आहे. तापमान कमी होत आहे आणि राज्याच्या काही भागात दमट आणि कोरडे वातावरण दिसून येईल,” असे IMD चे संचालक सुनील कांबळे म्हणाले.

विदर्भात तीन जिल्ह्यांसाठी High Alert

हवामान खात्याने विदर्भातील तीन जिल्ह्यांसाठी पुन्हा एकदा तापमानाचा इशारा दिलाय. अकोला, यवतमाळ, चंद्रपूर या तीन जिल्ह्यांसाठी आगामी 24 तासाचा अतिउष्ण तापमान इशारा देण्यात आलाय. गेल्या तीन दिवसात चंद्रपूरसह विदर्भातील बहुतांश जिल्ह्यात तापमानाने मोठी उसळीं घेतली आहे. होळी नंतर तापमानात झालेली मोठी वाढ नागरिकांसाठी चिंताजनक ठरली आहे. मार्चच्या पहिल्या आठवड्यात विदर्भात थंडी जाणवत होती. मात्र त्यानंतर अचानक पारा उंचावला आणि आता मागील 10 दिवसांच्या सरासरीपेक्षा 3 ते 4 अंश सेल्सियस अधिक तापमानाची नोंद विदर्भातील सर्वच जिल्ह्यात झाली आहे. मार्चच्या मध्यात तापमान 42 अंश सेल्सियसपर्यंत धडकल्याने आगामी काळात पारा चढा राहील असा अंदाज वर्तविला जात आहे

गुन्हेगारीची बातमी ठेवा: पुण्याच्या स्वारगेट स्थानकात शिवशाही बसमध्ये तरुणीवर बलात्कार झाल्याच्या घटनेनंतर महाराष्ट्रात खळबळ उडाली. यानंतर पुण्यात पुन्हा एकदा बलात्काराची घटना घडली आहे. भारती विद्यापीठ पोलीस ठाण्याच्या हद्दीतच तरुणीवर बलात्कार झाला आहे. परिचयाच्या व्यक्तीनेच बलात्कार केल्याची प्राथमिक माहिती समोर आली आहे.

पुण्यात स्वारगेट चे घटना ताजी असतानाच भारती विद्यापीठ पोलीस स्टेशनच्या हद्दीत एका तरुणीवर बलात्काराची घटना घडली. ओळखीचा गैरफायदा घेत तरुणीवर बलात्कार केला.  इतकच नव्हे तर तिला सोशल मीडियातून वारंवार धमकी दिली जात आहे. असा आरोप पीडित तरुणीने केला आहे. या प्रकरणी भारती विद्यापीठ पोलीस स्टेशन मध्ये आरोपी सिद्धांत रणधीर याच्या विरोधात गुन्हा दाखल करण्यात आला आहे.

तरुणीने तक्रार करुन वीस दिवस झाले आहेत. मात्र, अद्याप आरोपीला अटक करण्यात आली नाही. पीडित तरुणीला आरोपी सोशल मीडियाच्या माध्यमातून वारंवार धमकी देत आहे. तसेच तिच्या मोबाईल क्रमांकावर अश्लील फोटो सुद्धा आरोपीकडून पाठवण्यात आले. यावर पोलिसांनी लवकरात लवकर आरोपीला अटक केली जाईल आणि कठोर कारवाई केली जाईल असे म्हटले आहे.

14 वर्षीय विद्यार्थीनीवर रिक्षा चालकाने अत्याचार

यवतमाळच्या आर्णीमध्ये एका 14 वर्षीय विद्यार्थीनीवर रिक्षा चालकाने अत्याचाराचा प्रयत्न केला.  यावेळी विद्यार्थीनीने  आरडाओरड केल्याने  एका व्यक्तीने तिला शाळेबाहेर सोडलं. त्यानंतर विद्यार्थीनीच्या तक्रारीवरून आरोपीविरुद्ध  गुन्हा दाखल करण्यात आला आहे.

बदलापूरमध्ये  दोन मुलींवर लैंगिक अत्याचार केल्याचा आरोप असलेला आरोपी अक्षय शिंदे याच्या कथित चकमकीचा अपघाती मृत्यू म्हणूनच तपास करणार का? अशी विचारणा उच्च न्यायालयाने राज्य सरकारला केली. या प्रकरणाची अपघाती मृत्यू म्हणून नोंद करण्यात आली असून गुन्हे अन्वेषण विभागातर्फे स्वतंत्र चौकशी सुरू आहे. या चौकशीअंती याप्रकरणी गुन्हा दाखल करायचा की नाही याचा निर्णय घेतला जाईल, या आपल्या भूमिकेचा राज्य सरकारच्या वतीने वरिष्ठ वकील अमित देसाई यांनी बुधवारी झालेल्या सुनावणीच्या वेळी पुनरुच्चार केला.